நடிகர் விஜய்க்கு ஜேசன் சஞ்சய் என்ற மகன் உள்ளார். இவர் கனடாவில் உள்ள ஒரு பல்கலைக்கழகத்தில் திரைப்படத்துறை குறித்த படிப்பை படித்து வருகிறார். இவர் தனது நண்பர்களுடன் வீடியோக்களையும் மற்றும் புகைப்படங்களையும் சமூக ஊடகங்களில் வெளியிட்டு வருகிறார். குறும்படம் ஒன்றையும் இயக்கிவருவதாக கூறப்படுகிறது. சஞ்சயின் தந்தை நடிகராக இருந்தாலும் தன் தாத்தா எஸ்.ஏ. சந்திரசேகரைப் போல் இயக்குவதில் ஆர்வம் கொண்டுள்ளார். சஞ்சயின் முதல் பட த்தை தனது தந்தை விஜயை வைத்து இயக்க உள்ளதாக சில தகவல்கள் வெளியாகிருந்தது. இந்நிலையில், சஞ்சய் தனது படிப்பை முடித்திவிட்டு இந்தியா திரும்பிய சஞ்சய் நாயகனாக நடிக்க வாய்ப்புள்ளதாக செய்திகள் வெளியாகியுள்ளது. இப்படத்தை தேசிய விருது பெற்ற இயக்குனர் சுதா கொங்கரா இயக்கஉள்ளார். இப்போது, சுதா கொங்கரா ஒரு வித்தியாசமான கதையை எழுதி வருகிறார், இப்படம் பிரபல எழுத்தாளர் நரணின் "வேட்டை நாய்கள்" நாவலைத் தழுவி எடுக்கப்படுவதாகவும் விறுவிறுப்பான கதைக்களம் கொண்ட இந்த நாவலைத் தழுவி எடுக்கப்படும் திரைப்படத்தில் விஜய்யின் மகன் சஞ்சய் முக்கிய வேடத்தில் நடிக்கலாம் என்றும் கூறப்படுகிறது. சஞ்சய் அந்த கதாபாத்திரத்திற்கு கச்சிதமாக இருப்பார் என்பதை மனதில் வைத்து சுதா கொங்கரா இப்படத்தை குறித்து விஜய்யிடம் நேரடியாக பேசியதாகவும் சுதா கொங்கரா இயக்கத்தில் விஜய் நடிக்காவிட்டாலும் அவரது மகனை நடிக்க வைக்க முயற்சித்து வருகிறார். அதற்கு விஜய் "சஞ்சய்க்கு இயக்குனராக ஆசை அவருடைய ஆசைக்கு நான் ஒரு போதும் தடையாக இருந்ததில்லை. அதனால், சஞ்சய் இந்த படத்தில் நடிக்கிறாரா என்று கேளுங்கள் அவர் ஒப்புக்கொண்டால் எனக்கு ஆட்சேபனை இல்லை" எனக் கூறியுள்ளார். இந்த கதையை விரைவில் சஞ்சயிடம் நேரிலோ அல்லது போனிலோ சுதா கொங்கரா பேசுவார் என்றும் கூறப்படுகிறது. இக்கதையை, விரைவில் சஞ்சயிடம் நேரிலோ அல்லது போனிலோ சுதா கொங்கரா பேசுவார் என்று கூறப்படுகிறது. சஞ்சய் ஒப்புக்கொண்டால் அவருடன் படம் பண்ண சுதா கொங்கரா முடிவு செய்துள்ளார்.