Breaking News திமுகவின் தேர்தல் அறிக்கை - நீட் தேர்வு ரத்து, பழைய ஓய்வூதிய திட்டம், மாணவர்களுக்கு இலவச ரெயில் பாஸ்! அதிமுக தேர்தல் அறிக்கை வெளியீடு - ஏழைகளுக்கு மாதம் ரூ.1500 நிதியுதவி, கல்விக்கடன் ரத்து!
L

Local News

சர்வதேச குத்துச்சண்டை தரவரிசை பட்டியல் : இந்திய வீராங்கனை மேரி கோம் முதலிடம்!


சர்வதேச குத்துச்சண்டை கூட்டமைப்பு வெளியிட்டுள்ள தரவரிசை பட்டியலில் இந்திய வீராங்கனை 36 வயதாகும் மேரி கோம் முதலிடம் பிடித்துள்ளார், இவருக்கு மூன்று குழந்தைகள் உள்ளனர். இவர் கடந்த 2010 - ம் ஆண்டு நடந்த உலக சாம்பியன்ஷிப் போட்டியில் முதல் முறையாக வெள்ளிப்பதக்கம் வென்றார். இதையடுத்து நடந்த 5 சாம்பியன்ஷிப் போட்டிகளிலும் தங்கம் வென்று கடந்தாண்டு டெல்லியில் நடைபெற்ற உலக சாம்பியன்ஷிப் தொடரில் உக்ரைன் வீராங்கனையை வீழ்த்தி 6 -வது முறையாக சாம்பியன் பட்டத்தை வென்று சாதனைப்படைத்தார். உலக மகளிர் குத்துச்சண்டை சாம்பியன்ஷிப் போட்டிகளில் பெற்ற வெற்றியால் அதிக பதக்கங்களை குவித்த வீராங்கனை என்ற பெருமையை பெற்றார். இதேபோன்று கடந்த 2018 -ம் ஆண்டில் நடந்த காமன்வெல்த் போட்டி மற்றும் போலந்து நாட்டில் நடந்த சைலேசியன் ஓபன் குத்துச்சண்டை போட்டிகளில் தங்கப்பதக்கம் வென்றார். மேலும், பல்கேரியாவில் நடந்த ஸ்டிராண்ட்ஜா நினைவு குத்துச்சண்டை போட்டியில் வெள்ளிப்பதக்கமும், கடந்த 2012 - ம் ஆண்டு லண்டனில் நடைபெற்ற ஒலிம்பிக் போட்டியில் வெண்கல பதக்கமும் வென்றுள்ளார். இந்நிலையில், சர்வதேச குத்துச்சண்டை கூட்டமைப்பு, உலக குத்துச்சண்டை தரவரிசை பட்டியலை வெளியிட்டுள்ளது. இதில் 45 முதல் 48 கிலோ எடை பிரிவில் இடம்பிடித்துள்ள மேரி கோம் 1700 புள்ளிகள் பெற்று முதலிடம் பிடித்துள்ளார். 36 வயதான மேரிகோம் அடுத்து 2020 டோக்கியோவில் னைப்பெறவிருக்கிற ஒலிம்பிக் போட்டியில் மகளிர் 51 கிலோ பிரிவில் மோதவிருக்கிறார்.

Share

M

More News

L

Latest Videos