Breaking News திமுகவின் தேர்தல் அறிக்கை - நீட் தேர்வு ரத்து, பழைய ஓய்வூதிய திட்டம், மாணவர்களுக்கு இலவச ரெயில் பாஸ்! அதிமுக தேர்தல் அறிக்கை வெளியீடு - ஏழைகளுக்கு மாதம் ரூ.1500 நிதியுதவி, கல்விக்கடன் ரத்து!
L

Local News

திமுக தலைவர் ஸ்டாலினை சந்தித்தது பற்றி நடிகர் சத்யராஜ் மகள் திவ்யா விளக்கம்!

 18th March, 2019  

நடிகர் சத்யராஜின் மகள் திவ்யா ஊட்டச்சத்து நிபுணராக உள்ளார். அவர் சமீபத்தில், மருத்துவத்துறையில் நடக்கும் ஊழல் மற்றும் அதில் உள்ள குறைபாடுகள் பற்றி பிரதமர் நரேந்திர மோடிக்கு கடிதம் எழுதினார். இதனிடையே ஸ்டாலினுடனான சந்திப்பின் போது பேசப்பட்டது என்ன என்பது குறித்து விளக்கம் அளித்துள்ளது. இது ஒரு மரியாதை நிமித்தமான சந்திப்பு தான். தமிழ்நாட்டில் உள்ள குழந்தைகளின் ஊட்டச்சத்து நிலையையும், அவர்களது ஆரோக்கியத்தை மேம்படுத்து குறித்தும் என்னிடம் நிறைய திட்டங்கள் உள்ளன. அது குறித்து அவரிடம் ஆலோசித்தேன். ஸ்டாலின் என்னை நிறைய ஊக்கப்படுத்தினார். அவர் மீது நான் நிறைய மரியாதை வைத்துள்ளேன். ஆனால் இந்த சந்திப்பின் போது அரசியல் குறித்து எதுவும் பேசவில்லை. தமிழ்நாட்டில் குறைந்த வருவாய் பிரிவில் இருக்கும் கர்ப்பிணி பெண்களுக்கு, இரும்பு சத்து குறைபாடு அதிகமாக உள்ளது. இதனால் ரத்த சோவை நோய் ஏற்படுகிறது. எனவே இதனை போக்க தமிழக அரசு நடவடிக்கை எடுக்க வேண்டும் என்று ஸ்டாலின் அவர்களிடம் கூறினேன் என திவ்யா தெரிவித்தார்.

மெட்ரோவில் மாதாந்திர பாஸ் அறிமுகம்!

 16th March, 2019  

விமான நிலையத்தில் இருந்து வண்ணாரப்பேட்டைக்கும், பரங்கிமலையில் இருந்து சென்ட்ரல் ரெயில் நிலையத்துக்கும் மெட்ரோ ரெயில் இயக்கப்பட்டு வருகிறது. மெட்ரோ ரயில் நிர்வாகம் பயணிகளை கவர சில சலுகைகள் அளிக்க முன் வந்தது. அதன்படி முதல்கட்டமாக, வரிசையில் நின்று வாங்குவதை தவிர்க்க ஸ்மார்ட் கார்டு அறிமுகம் செய்யப்பட்டது. இதன்பிறகு ஒருநாள் பயண அட்டை அறிமுகம் செய்தது. இந்த நிலையில் அலுவலகத்துக்கு செல்வோரின் நலனை கருத்தில் கொண்டு, மெட்ரோ ரெயில் நிர்வாகம், மாதாந்திர பாஸ் அட்டை அறிமுகம் செய்திருக்கிறது. அதன்படி ரூ.50 முன் பணம் தந்து, ரூ.2,500-யை செலுத்தி இந்த அட்டையை பெற்று கொள்ளலாம். இதன்படி, ஒரு மாதம் முழுவதும் எப்போது வேண்டுமானாலும், எந்த ஸ்டேஷனில் இருந்தும் பயணம் செய்யலாம் என மெட்ரோ அதிகாரிகள் தெரிவித்துள்ளனர்.

பொள்ளாச்சி சம்பவத்தில் முக்கிய குற்றவாளியின் வீட்டில் லேப்டாப், பென்டிரைவ்கள் பறிமுதல் !

 15th March, 2019  

பொள்ளாச்சி பாலியல் பலாத்கார சம்பவங்கள் தமிழகம் முழுவதும் அதிர்வலைகளை ஏற்படுத்தியுள்ளது. இந்த வழக்கில் முக்கிய குற்றவாளியான திருநாவுக்கரசு வீடு பொள்ளாச்சி மாக்கினாம்பட்டி காந்தி நகரில் உள்ளது. அங்கு சிபிசிஐடி போலீஸ் மாலை 4 மணியளவில் சோதனையை ஆரம்பித்து, இரவு 7:30 மணி வரையில் நடைபெற்ற சோதனையில் லேப்டாப் மற்றும் பென்டிரைவ்கள் உள்ளிட்ட ஆதாரங்கள் கைப்பற்றப்பட்டதாக தகவல் வெளியாகியுள்ளது. திருநாவுக்கரசுவின் குடும்பத்தார் மற்றும் உறவினர்களிடம் போலீசார் தீவிர விசாரணையை மேற்கொண்டனர். இதற்கிடையே பாதிக்கப்பட்ட பெண்கள் புகார் கொடுக்க முன்வர வேண்டும், பாதுகாப்பு உறுதி செய்யப்படும் என போலீஸ் தரப்பில் கேட்டுக்கொள்ளப்பட்டுள்ளது. இதுதொடர்பான தகவல்களை அளிக்க சிறப்பு உதவி எண்களையும் அறிவித்துள்ளது. பொள்ளாச்சி பாலியல் பலாத்கார சம்பவத்தில் பாதிக்கப்பட்டவர்கள் படங்கள் வீடியோக்கள் தொடர்பாக 9488442993 என்ற எண்ணுக்கு தகவல் அளிப்பவர்களின் விபரம் ரகசியம் காக்கப்படும் என தெரிவிக்கப்பட்டுள்ளது. வழக்கில் எதிரிகளால் பாதிக்கப்பட்டவர்கள் தங்களுக்கு நேரிட்டவை மற்றும் தெரிந்த தகவல்களை தெரிவிக்கலாம் எனவும் கேட்டுக்கொள்ளப்பட்டுள்ளது.

எஸ்.எஸ்.எல்.சி. பொதுத்தேர்வு இன்று தொடங்குகிறது!

 14th March, 2019  

2018-19-ம் கல்வியாண்டுக்கான எஸ்.எஸ்.எல்.சி. பொதுத்தேர்வு இன்று (வியாழக்கிழமை) தொடங்குகிறது. வருகிற 29-ந் தேதி வரை இந்த தேர்வு நடைபெற இருக்கிறது. இந்த ஆண்டு மொழிப்பாடங்களுக்கான தேர்வுகள் (தமிழ், ஆங்கிலம்) மட்டும் பிற்பகல் 2 மணி முதல் மாலை 4.45 மணி வரை நடைபெறும். மற்ற பாடங்களுக்கான தேர்வு காலை 10 மணிக்கு தொடங்கி பிற்பகல் 12.45 மணி வரை நடக்கும். காப்பி அடிப்பதை தடுக்கும் வகையில் அனைத்து மாவட்டங்களிலும் தேர்வு மையங்களை பார்வையிடுவதற்கு சுமார் 5 ஆயிரத்து 500 எண்ணிக்கையிலான பறக்கும் படை மற்றும் நிலையான படை உறுப்பினர்கள் நியமிக்கப்பட்டுள்ளனர். இதை மீறும் பட்சத்தில் கடும் நடவடிக்கை மேற்கொள்ளப்படும். மாணவ-மாணவிகள் ஒழுங்கீன செயல்களில் ஈடுபட்டால், விதிமுறைகளின்படி உரிய தண்டனைகள் வழங்கப்படும்.

L

Latest Videos

D

Directory

 mylaporetoday.com
 mylaporetoday.com
 mylaporetoday.com
 mylaporetoday.com
 mylaporetoday.com
 mylaporetoday.com